Área divulgativa IX Concurso Anual de Fotografía de Sotavento

O Parque Eólico Experimental Sotavento convoca o seu  IX Premio Anual de Fotografía.

PARTICIPANTES

Poderán participar neste concurso todas as persoas que o desexen, sen límite de idade.

TEMA

O tema é o Parque Eólico Experimental Sotavento.

VALORACIÓN

Valorarase a creatividade, o enfoque do tema proposto, a calidade fotográfica en función da idade, etc.

PRESENTACIÓN, FORMATOS E PRAZO DE ENTREGA DAS FOTOGRAFÍAS

Permitiranse un máximo de 3 fotografías por autor/a.

A presentación das fotografías, persoalmente ou por correo, farase no seguinte enderezo:

Parque Eólico Experimental Sotavento
Momán - Xermade
27826, Lugo

O formato da fotografía debe ser o seguinte: papel fotográfico con dimensións mínimas de 17 x 25 cm.

O prazo de entrega remata o 10 de Xuño de 2011, ás 12:00 da mañá. As fotografías recibidas fóra de prazo non entrarán no concurso.

As fotografías presentaranse  nun sobre pechado no que se incluirán; nome, idade, teléfono, enderezo, título/s da/s fotografía/s e o/os negativo/s ou discos compactos / disquetes, no seu caso; así como outros datos que o autor considere de interese.

PREMIOS

O premio terá unha dotación de:

• Primeiro clasificado: 600 euros
• Segundo clasificado: 400 euros

O veredicto do Xurado farase público a primeiros do mes de xuño de 2010 na web: www.sotaventogalicia.com.

NOTA : en caso de que o autor/a da fotografía premiada sexa menor de idade, a contía do premio será entregada en cheques regalo que se poderán trocar no/s establecemento/s que a  Fundación Sotavento Galicia determine para tal efecto.

Sotavento resérvase o dereito de declarar o premio deserto.

AUTORÍA, ORIXINALIDADE E DIVULGACIÓN DAS FOTOGRAFÍAS

Aceptación íntegra e incondicional das seguintes bases:

• Consentimiento do fotógrafo/a á divulgación da fotografía en caso de resultar premiada.
• A garantía por parte do/a participante, do carácter inédito e orixinal das fotografías presentadas e da titularidade en exclusiva e sen carga nin limitación, de todos os dereitos de explotación sobre a mesma e, polo tanto, que estea libre de dereitos que poidan deter terceiros. Non se admitirán fotografías que fosen presentadas con anterioridade noutros certames, nin que estean pendentes de resolución.
• A Fundación Sotavento Galicia resérvase os dereitos de edición sobre as fotografías premiadas coa posibilidade de ceder  tales dereitos a terceiros.

XURADO

Formado por:

• Don Eliseo Diéguez García; Director do Instituto Enerxético de Galicia (INEGA) e Presidente da Fundación Sotavento Galicia.
• Don Xesús Rodríguez; Vicedecano da Facultade de Ciencias da Educación e Director da Revista Galega de Educación.
• Don Xosé Núñez; Xerente do Parque Eólico Experimental Sotavento.
• Departamento Divulgativo de Sotavento.

EXPOSICIÓN DAS FOTOGRAFÍAS

Os traballos serán expostos nas instalacións do Parque Eólico Experimental Sotavento, podendo ser publicadas en calquera momento.

DEREITOS DE AUTOR

Os dereitos sobre as fotografías premiadas serán cedidos á Fundación Sotavento Galicia.

Tamén se transferirán os dereitos, sobre as fotografías non premiadas, en caso de que non sexan retiradas dentro do prazo establecido para tal efecto.

FOTOGRAFÍAS NON PREMIADAS

As fotografías non premiadas poderán retirarse, despois do veredicto do Xurado, durante todo o mes de xuño, de non ser así pasarán a ser propiedade da Fundación Sotavento Galicia.

A participación neste concurso implica a íntegra aceptación das presentes bases