Área divulgativa Publicacións

Co fin de reforzar e facilitar o labor formativo, algunhas das creacións levadas a cabo polo Plan Divulgativo de Sotavento foron:

Guías didácticas de primaria e secundaria. Con elas preténdese establecer a vinculación didáctica entre a visita ó Parque e os obxectivos propostos polos actuais programas educativos. Guía do consumidor eficiente. Tríptico informativo que ten como obxectivo concienciar o visitante dun consumo enerxético responsable. [Ver Publicación (versión 1)] [Ver Publicación (versión 2)] Guía do visitante. Para aqueles visitantes que desexen coñecer o parque por si mesmos, elaboramos un percorrido recomendado co fin de facilitar a visita formativa ás nosas instalacións. A enerxía ao redor de ti. Esta publicación tenta describir, dun xeito práctico, cales son os recursos enerxéticos dispoñibles no Planeta, como funcionan os distintos sistemas para o seu aproveitamento, que problemas se derivan da súa utilización e como podemos e debemos actuar para mitigar as súas consecuencias. [Ver Publicación] Díptico sobre Enerxías Renovables. Manual rápido con vantaxes, inconvenientes e funcionamento básico das distintas enerxías renovables. Enerxías renovables e tradición. Trátase dunha publicación onde se realiza unha visión retrospectiva e comparativa, entre as fontes de enerxía tradicionais e a realidade enerxética actual. [Ver Publicación] Manual de información ambiental. Realizado pola Universidade de Santiago; é un completo estudo ambiental da localización do parque: paisaxe, flora, fauna, patrimonio, recursos, etc. Guía tecnolóxica do Parque. Dirixida ós grupos con máis coñecementos eólicos; o seu obxectivo fundamental é presentar as distintas tecnoloxías presentes en Sotavento, así como as súas características principais. Ruta das pedras. Manual que facilita o percorrido por esta singular Ruta; elaborada polo Museo de Historia Natural e cuxas características fana única en Galicia. [Ver Publicación (Alumnos)] [Ver Publicación (Mestres)] Papaventos con historia. Este documento, persegue achegarnos ao apaixoante e descoñecido mundo dos papaventos así como axudarnos a comprender as bases científicas de distintos fenómenos relacionados co vento. [Ver Publicación] Muíños do Mundo. Esta publicación pretende amosar, dun xeito divulgativo, as principais características e evolución do funcionamento das máquinas eólicas dende a antigüidade ata os nosos días, e tamén, axudarnos a tomar conciencia da enorme capacidade humana para medrar tecnoloxicamente en períodos relativamente curtos de tempo. [Ver Publicación]