ÁREA TÉCNICA Proxecto: Predición eólica (Anemos)

A grande expansión que está tendo a enerxía eólica no noso país, con máis de 5.500 MW de potencia instalada ata a data, sitúan a España nunha posición dominante a nivel mundial neste sector enerxético. Non obstante, a propia natureza intermitente do recurso eólico dificulta a predición da produción e polo tanto, a súa maior integración no sistema eléctrico.

Por todo isto, faise necesario o uso de ferramentas avanzadas de predición, de xeito que mellore a xestión da enerxía eólica e a súa competitividade, facilitando as operacións de mantemento e favorecendo a súa integración a maior escala no contexto dun mercado eléctrico liberalizado. Nesta dirección estase a desenvolver unha intensa actividade investigadora.

ANEMOS é un proxecto Europeo de I+D promovido pola Comisión Europea ó abeiro do 5º Programa Marco. O obxectivo perseguido é unha análise detallada do estado da arte das técnicas de predición do potencial eólico, mediante a experimentación e estudo comparativo de diversas opcións, para o desenvolvemento de solucións óptimas que faciliten a integración da produción eólica no sistema eléctrico.

Os modelos de predición a avaliar son os seguintes:

As distintas actividades que terán lugar ó longo do proxecto, inclúense en dez fases:

1. Estado da arte. Avaliación de necesidades. Adquisión de datos e análise.
2. Avaliación de técnicas de predición existentes.
3. Mellora e desenvolvemento de modelos estatísticos.
4. Desenvolvemento de modelos físicos.
5. Predición en parques off-shore.
6. Desenvolvemento da plataforma de predición ANEMOS.
7. Instalación para operación on-line.
8. Avaliación de operación on-line.
9. Diseminación de resultados.
10. Coordinación.

Participan no proxecto os principais organismos con experiencia en predición eólica, xunto a un selecto grupo de promotores e empresas eléctricas posicionándose nun lugar destacado, co obxecto de aproveitar ó máximo os beneficios do emprego desta ferramenta de predición.

A coordinación do proxecto realízaa a Escola de Minas de París (ARMINES)

En España participan o IDAE, CIEMAT, CENER, EHN, a Universidade Carlos III e REE.

O resto de participantes son:

• EDF, ARIA Technologies, Meteo France e a Escola de Minas de París en Francia.
• RISOE, DTU, ELSAM en Dinamarca
• Oldenburg Univ., EWE e Overspeed en Alemaña.
• ESB en Irlanda.
• NTUA, PPC - Crete en Grecia
• CLRC en Inglaterra

O proxecto neste momento estase a desevolver nas fases previstas (fases 1 e 2), recompilación de datos e elaboración de necesidade do software.