Sotavento online

Sabía vostede que

	A referencia máis antiga que se ten é un muíño de vento que foi usado para facer funcionar un órgano no século I. (Engasa)
	O papel dos periódicos é o máis fácil de reciclar, xa que está feito de fibra de madeira. (Consumer)
	A enerxía termosolar aporta ao PIB nove veces máis diñeiro que as primas que recibe. (Deloitte)
	No mundo hai máis de 800 millóns de bicicletas, o dobre que a cantidade de automóbiles. (ciclismo.com)
	Se no noso país se reciclase a décima parte dos periódicos dun ano, salvaríamos 700.000 árbores. (Consumer)
	Dende xaneiro a novembro do 2011 vendéronse en España 295 coches eléctricos. (Asociación Empresarial del Vehículo Eléctrico)
	En 2010, as enerxías renovables evitaron tantas emisións de gases nocivos para a saúde que melloraron a calidade de vida, estimándose que a Sanidade aforrou por elo 160 millóns de euros. (Deloitte)
	A demanda de enerxía eléctrica na Península Ibérica no mes de outubro descendeu un 3,7% con respecto a outubro do 2010. (REE)
	O domingo 6 de novembro de 2011 ás 02.00 horas, a eólica supuxo o 59,6% da demanda, un valor superior ao máximo do 54% que se rexistrou o 9 de novembro do 2010. (REE)
	Un vehículo circulando a 120 km/h coas barras portaequipaxes instaladas sen carga ningunha incrementa o seu consumo nun 7,5%. (INEGA)
	Os coches eléctricos con baterías de litio non emiten CO2 nin danan o medio ambiente, sempre que a electricidade proveña de enerxías renovables. (www.revistadelaenergia.es)
	En 2010, as enerxías renovables aforraron máis de 2.300 millóns de euros en importacións de combustibles fósiles e 467 millóns en emisións de gases de efecto invernadoiro. (Deloitte)
	Coa enerxía necesaria para fabricar unha soa lata de refresco, poderíase ter funcionando unha televisión durante dúas horas. (+Qenergía Nº8)
	Máis de dous millóns de persoas morren cada ano a causa da inhalación de pequenas partículas contaminantes dos aire. (Organización Mundial da Saúde)
	A baca dun vehículo cargada pode supoñer un incremento do consumo de combustible do 39%. (INEGA)
	O vidro é reciclable ao 100%, polo que reciclando as 3.000 botellas que caben nun contedor de recollida selectiva, afórranse en torno a 130 Kg de petróleo e 1.200 de materias primas. (+Qenergía Nº8)
	Un coche en ralentí consume entre 0,4 e 0,9 litros/hora. (INEGA)
	Por cada 100 kg de peso adicional increméntase o consumo do vehículo nun 5%. (IDAE)
	Por cada botella de vidro que se recicla afórrase a enerxía necesaria para ter un televisor acendido durante tres horas, ou cinco lámpadas de baixo consumo de 20 W durante catro horas. (+Qenergía Nº8)
	En viaxes interurbanas o coche consume, por viaxeiro e quilómetro, case tres veces máis que o autobús, diferenza que se incrementa aínda máis nos centros urbanos. (INEGA)
	A combustión dun litro de gasolina produce 2,32 kg de CO2 e a de un litro de gasóleo produce 2,68 kg de CO2. (El País)
	España é o país europeo que máis aumentou a súa superficie forestal nos últimos anos. (FAO)
	Por cada folio reciclado afórrase a enerxía equivalente ao funcionamento, durante unha hora, de dúas lámpadas de baixo consumo de 20 vatios. (+Qenergía Nº8)
	En cinco anos, o crecemento da poboación en Galicia foi do 0,78% e o consumo de enerxía eléctrica nos fogares galegos aumentou un 10,92%. (INEGA)
	Nun coche a primeira marcha é a que máis combustible consume, polo que só debe ser utilizada para iniciar o movemento. (IDAE)
	En termos netos, o Planeta perde cada ano 5.200 quilómetros cadrados de bosque, unha área similar á superficie de Costa Rica ou algo superior á de Aragón. (La Vanguardia)
	O consumo enerxético das familias españolas representa xa un 30% do consumo enerxético total do país. (INEGA)
	O reciclado do papel diminúe o consumo de auga nun 86% e o da enerxía nun 65%. (+Qenergía Nº8)
	A máquina de vapor foi a primeira ferramenta que non utilizaba forzas ou tracción de orixe animal e que comezou a empregarse industrialmente no século XIX. (Naturaleza Educativa)
	No que respecta ao alumado público, España ten o maior rexistro europeo en consumo enerxético por habitante, con 118-114 kWh/ano. (UCM)
	Cada litro de aceite botado ao mar contamina un millón de litros de auga e ocasiona un dano directo á flora e á fauna por falta de osíxeno. (La Voz de Galicia)
	O alumado en xeral supón o 15% do consumo eléctrico español. (FENERCOM)
	Para fabricar unha tonelada de papel son necesarias entre 12 e 16 árbores, uns 50.000 litros de auga e máis de 300 Kg de petróleo. (+Qenergía Nº8)
	O 80,6% da enerxía que se gasta en transporte gástase en transporte por estrada, mentres que o aéreo supón o 13,3%, o marítimo o 3,7% e o ferrocarril o 2,4%. (EnerAgen)
	Galicia transforma o 9% da enerxía primaria de España e autoabastécese do 39’5% da súa demanda de luz e calor. (La Voz de Galicia)
	Nunha hora a Terra recibe máis enerxía solar da que necesita a humanidade en todo un ano. (www.sitiosolar.com)
	Un equipo de clase A (alta eficiencia) respecto a un de clase D (Baixa eficiencia) consume menos da metade de enerxía. (IDAE)
	O uso da biomasa diminúe o risco de incendio, o nivel de emisións de CO2 á atmosfera e supón unha nova fonte de xeración de emprego. (La Voz de Galicia)
	En marzo de 2011, a eólica foi por primeira vez a enerxía que máis electricidade xerou en España, cun total de 4.738 GWh. (REE)
	España converteuse no primeiro produtor eólico de Europa en 2010, ao superar por primeira vez a Alemaña. (AEE)
	O alumado público pode supoñer o 60% do consumo eléctrico dun concello. (FENERCOM)
	Con 22 litros de petróleo cru (equivalente a 5 litros de gasolina), pode fabricarse plástico para 3.200 bolígrafos. (BIC)
	Ao lavar a máquina gastamos unha media de 8 litros de auga por cada quilo de roupa, é dicir, menos da metade da auga que necesitaríamos para lavar e aclarar a man. (www.cadagotacuenta.com)
	Nunha comunidade de veciños, o consumo anual de enerxía eléctrica debido ao uso do ascensor pode supor uns 7.000 kWh. (IDAE)
	Aproximadamente o 40% da auga que consumimos é quente e ao quentala multiplícase por 5 o seu prezo. (www.cadagotacuenta.com)
	Estímase que as medidas aprobadas polo Consello de Ministros no Plan de Aforro e Eficiencia Enerxética suporán un aforro de 3,2 millóns de toneladas de petróleo anuais e reducirán as emisións de CO2 en 2,5 millóns de toneladas ao ano. (Goberno de España)
	Castela e León é a comunidade autónoma española con máis potencia eólica instalada, seguida por Castela-A Mancha e Galicia. (AEE)
	A temperatura do aire nunha cidade como Madrid podería subir 1,5-2 grados centígrados debido aos aparatos de aire acondicionado no verán. (CIEMAT)
	Ventás cun bo comportamento enerxético reducen enormemente o consumo de enerxía para calefacción e aire acondicionado. (IDAE)
	Segundo o Instituto da Enerxía da CE, as células fotovoltaicas instaladas en todo o mundo xeraron no 2009 un total de 7’4 GW, dos que 5’8 corresponden a Europa. (La Voz de Galicia)
	Se todos os bolígrafos fabricados en Europa fosen de plástico reciclado, poderíase aforrar o plástico equivalente a un edificio de 30 plantas fabricado con este material ou o consumo de gasolina de todos os coches de París durante un mes. (Pilot)
	O aumento de xeración con enerxías renovables contribuíu a reducir as emisións de CO2 do sector eléctrico, que se estimaron para o 2010 en 58,7 millóns de toneladas, un 20% menos que en 2009. (REE)
	China é o país con máis megavatios de enerxía solar térmica instalados, representando dous tercios da capacidade mundial. (terra.org)
	A Confederación Galega de Discapacitados quere construír unha planta para a recollida, almacenamento, tratamento e distribución de biomasa forestal. (La Voz de Galicia)
	A dependencia de combustibles fósiles é tan grande que nun ano os homes consumimos o que a natureza tarda un millón de anos en producir. (EnerAgen)
	España é, xunto con Italia e Portugal, o país da Unión Europea máis malgastador en iluminación. (Consumer)
	A falta de auga potable causa cada día a morte de 5.000 nenos menores de cinco anos. (UNICEF)
	Máis de mil millóns de persoas na Terra non teñen un abastecemento seguro de auga. (www.cadagotacuenta.com)
	Se nos atemos aos límites de contaminación que marca a lexislación, a porcentaxe da poboación afectada sería dun 35%, un de cada tres españois. (Ecoloxistas en Acción)
	O Goberno prevé que un millón de eco-coches circulen por España no 2014. (La Voz de Galicia)
	A enerxía eólica bateu dous récords durante a xornada do 8 de novembro, un de produción instantánea ás 13.29 horas con 13.177 MW que cubriron o 38% da demanda en España nese momento, e outro de produción horaria de 13.00 a 14.00 con 12.995 MWh. (REE)
	España mantense entre as potencias mundiais en capacidade de produción fotovoltaica cunha potencia de 3’5 GW, só superada por Alemaña (9’8 GW) e por diante de Xapón (2’6 GW). (La Voz de Galicia)
	Cada kWh producido con eólica ten 26 veces menos impactos que o producido con lignito, 21 veces menos que con petróleo, 10 veces menos que con enerxía nuclear e 5 veces menos que con gas. (estudo CIEMAT/IDAE/ APPA).
	Ademais de Alemaña, outros países con grandes instalacións solares son España con 3.223 MW, Xapón con 2.149 MW e Estados Unidos con 1.173 MW. (terra.org)
	España prevé que no 2020 as renovables aportarán no noso país o 22’7% sobre a enerxía final e un 42’3% da xeración eléctrica. (IDAE)
	A Cámara Europea propuxo que todos os edificios residenciais, de oficinas e servizos que se constrúan a partir do 2019 sexan de enerxía cero, é dicir, capaces de producir con renovables a mesma cantidade de enerxía que consumen. (La Voz de Galicia)
	Unha ducha de 10 minutos ten un gasto aproximado de 120 L de auga. (www.cadagotacuenta.com)
	Gran Bretaña estableceu en Irán en 1941 o primeiro campo petrolífero. (Natureza Educativa)
	Aínda que Alemaña está lonxe de ser o país máis soleado do mundo, é líder global en enerxía fotovoltaica, cunha capacidade instalada de 5.308 MW. (terra.org)
	Os aeroxeradores modernos só tardan entre 2 e 3 meses en recuperar toda a enerxía gastada na súa fabricación, instalación, mantemento e desmantelamento baixo condicións normais de vento. (Asociación Danesa da Enerxía Eólica)
	Unha persoa dun país industrializado consume unhas dez veces máis enerxía que outra dun país non industrializado. (EnerAgen)
	Para unha mesma unidade enerxética producida, a enerxía eólica emprega 542 traballadores, a térmica 116 e a nuclear 100. (Worldwatch Institute)
	Cada galego consume 14 litros de auga e produce 95 kg de lixo menos que a media española. (La Voz de Galicia)
	Poñer a roupa en remollo antes de lavala gasta entre 3 e 4 litros de auga cada vez. (www.cadagotacuenta.com)
	O cambio climático levará á extinción en 70 anos unha de cada cinco especies de lagartos. (La Voz de Galicia)
	Segundo datos oficiais do 2008, a biomasa forestal podería cubrir o 3% da enerxía primaria de España e xerar 10.000 postos de traballo. (CIEMAT)
	Xa é posible viaxar entre Zaragoza e Huesca conducindo un vehículo de pila de combustible de hidróxeno grazas ás hidroxeneras inauguradas en ambas cidades. (20minutos.es)
	Un 84% da poboación respira aire que supera os índices de protección para a saúde recomendados pola Organización Mundial da Saúde. (terra.org)
	A demanda instantánea de enerxía eléctrica peninsular en España rexistrou un novo máximo de verán con 41.318 MW, ás 13:26 horas do 19 de xullo de 2010. Esta cifra supera o anterior máximo acadado o día 8 de xullo con 41.127 MW. (REE)
	Os coches eléctricos poderán cargarse en cabinas telefónicas. (El Progreso)
	Os satélites artificiais utilizan paneis solares para xerar a enerxía eléctrica que necesitan os seus equipos. (Natureza educativa)
	Varios expertos sosteñen que o carbón podería acabarse en dúas décadas e non nos dous séculos das estimacións oficiais. (Consumer)
	España instalou 2.459 MW no 2009 e acada xa os 19.149 MW de potencia acumulada. (aee)
	Os niveis actuais de contaminación atmosférica causan 16.000 mortes prematuras en España. (Ecologistas en acción)
	A finais do 2008, o mundo tiña un total acumulado de 15.000 megavatios en instalacións fotovoltaicas. (Terra.org)
	Segundo os datos dun informe realizado pola Asociación Europea de Fabricantes de Neumáticos y Productos de Caucho, España procesou 314.000 toneladas de neumáticos fora de uso en 2009. (wwww.repsol.es)
	A eólica consolídase como terceira tecnoloxía no sistema eléctrico español ao acadar no 2009 unha producción de 36.188 GWh, só superada polas centrais térmicas de gas de ciclo combinado e as nucleares. (Asociación Empresarial Eólica)
	A concentración de gases de efecto invernadoiro no noso planeta aumentou un 30% dende o século pasado. (Ministerio de Medio Ambiente y Medio Rural y Marino)
	As bolsas de plástico biodegradable descompóñense ao final da súa vida útil de maneira natural en 180 días. (Asociación Española de Bioconstrucción)
	A enerxía fotovoltaica podería subministrar ata un 12% da demanda eléctrica da UE no 2020. (www.energias-renovables.com)
	O 7% da factura da casa corresponde a iluminación, mentres os electrodomésticos representan o 17%. (EnerAgen)
	Máis de 2 millóns de nenos morreron por enfermidades respiratorias severas no ano 2000; o 60% destes casos estiveron asociados a factores de contaminación do aire en recintos pechados e a outros factores ambientais. (UNESCO)
	O 42’2% do gasto enerxético español destínase a cubrir a demanda do transporte. (Greenpeace)
	En Europa consúmese o 17’45% da enerxía mundial. En España o consumo é do 1’4%. (EnerAgen)
	A enerxía hidráulica é a fonte renovable de electricidade máis utilizada no mundo, representa un 19% da produción total de electricidade. Canadá é o produtor máis importante de enerxía hidroeléctrica, seguido polos Estados Unidos e Brasil. (UNESCO)
	No 2009 cambiáronse en España de forma gratuíta sete millóns de lámpadas por lámpadas de baixo consumo, un aforro equivalente ao consumo eléctrico anual de 147.000 familias, é dicir, 94 millóns de euros anuais. (IDAE)
	Ao tapar os recipientes cos que cociñas evitas perdas de calor e fas que os teus alimentos conserven as súas propiedades. (www.repsol.com)
	Cada español emite de media unhas 10 toneladas de CO2 ao ano. (Greenpeace)
	Dentro do fogar, onde máis enerxía se gasta é en climatización (calefacción e refrixeración) cun 42,86%. (EnerAgen)
	Cada ano pérdese no mundo unha área de bosque primario equivalente ao tamaño de Grecia. (Greenpeace)
	Os televisores supoñen un 9% da enerxía consumida en Europa. (El Mundo)
	Un 20% da factura da casa gástase en quentar auga. (EnerAgen)
	A enerxía eólica evitou en 2008 a importación de combustibles fósiles por valor de máis de 1200 millóns de euros. (aee)
	Galicia importa o 75% da enerxía primaria que consume. O petróleo representa o 50% destas importacións. (Inega)
	O mercado solar térmico europeo creceu un 60% en 2008. (www.energias-renovables.com)
	O consumo de electricidade en “stand by” representa o 11% do total na Unión Europea. (OCU)
	Islandia obtén máis do 15% da súa enerxía do interior da terra. (EnerAgen)
	Deixar os electrodomésticos en modo de espera pode custar máis de 100 euros ao ano. (El Mundo)
	España foi o primeiro país do mundo en enchufar á rede unha planta con almacenamento térmico por sales fundidas. (www.energias-renovables.com)
	Galicia supón o 0.04% da poboación mundial , pero as súas emisións de efecto invernadoiro supoñen o 0.12% do total. (Greenpeace)
	A eólica é a segunda tecnoloxía en potencia instalada en España, por diante do carbón e a nuclear. (www.aeeolica.es)
	España foi o primeiro país do mundo en poñer en marcha unha planta solar termoeléctrica comercial de tecnoloxía de torre central. (www.energias-renovables.com)
	A poboación mundial está crecendo cerca de 80 millóns de persoas por ano, o que implica unha demanda de auga doce de aproximadamente 64 billóns de metros cúbicos por ano. (UNESCO)
	O aforro en iluminación no noso país propiciado polo cambio de hora, de marzo a outubro, pode acadar o 5%, equivalente a uns 300 millóns de euros. (IDAE)
	Estímase que a vida útil dos LED pode acadar entre as 35.000 e as 50.000 horas, mentres que as lámpadas compactas de baixo consumo chegan ás 15.000, de media. (Greenpeace)
	A enerxía eólica cubriu en 2008 o 11,5% da demanda española. (www.aeeolica.es)
	A enerxía eólica evitou en 2008 a emisión de 20 millóns de toneladas de CO2 en España. (www.aeeolica.es).
	Os motores diésel poden contaminar ata catro veces máis que os de gasolina, pero co uso de filtros, a súa capacidade contaminadora pode decrecer nun 90%, aproximadamente. (www.repsol.com)
	Unha lámpada incandescente só transforma en luz o 5% da electricidade que consume. O resto desaparece en forma de calor. (Greenpeace)
	A enerxía eólica xerou 40.000 postos de traballo en España. (www.aeeolica.es)
	Cada vez que acelera ou frea bruscamente, o motor consome máis CO2. (EUROPIA)
	O aire acondicionado doméstico consome 1.500 megavatios. Para iso son necesarias dúas centrais nucleares ou catro de ciclo combinado. (La Región)
	As tendas de Ikea en Galicia terán un plan para economizar un 30% de enerxía. (El Progreso)
	Galicia está entre as comunidades que compran máis vehículos ecolóxicos. (Atlántico)
	En España utilízanse máis de 10.500 millóns de bolsas de plástico. (Rima Nº506)
	Un fogar galego medio pode contribuír con 113 quilogramos en cada factura eléctrica ao CO2 da atmosfera. (Faro de Vigo)
	Máis CO2 que nunca. O ritmo de aumento duplica ao de hai 50 anos. Estados Unidos constata que a atmosfera rexistra o maior nivel deste gas en 650.000 anos. ( El País)
	Usar o metro evita a emisión á atmosfera dunha tonelada de CO2 ao ano por persoa. (Rima Nº 505)
	Andalucía é a comunidade que máis lámpadas recicla de España. (Rima Nº 505)
	Só en Madrid se perde en fugas o 22% da agua que circula polas redes de distribución. (Rima Nº 505)
	O uso do aire acondicionado nos fogares duplicouse nos últimos 10 anos. (La Región)
	A eólica pode aforrarlle á UE 28.700 millóns de euros ao ano a partir de 2020. (Rima Nº507)
	O sector enerxético que máis emprego creou é o eólico, un 37% (Rima Nº 505)
	O uso excesivo do aire acondicionado aumenta o consumo de carburante e as emisións de CO2 ata un 5%. (Comisión Europea de Enerxía)
	Se continúa esta dinámica de secura, dentro de 50 anos a metade sur de España será un deserto. (Rima Nº 505)
	Galicia só recibe un 20% menos de sol que o deserto de Almería (La Voz de Galicia)
	O 6% do territorio peninsular degradouse de forma irreversible. (Rima Nº 505)
	En 2010, será obrigatorio fixar unha mestura do 5,75% do valor enerxético de consumo de biodiesel. (Expansión)
	Usar o metro evita a emisión á atmosfera dunha tonelada de CO2 ao ano por persoa. (Rima Nº505)
	O home e o cambio climático provocaron a extinción dos mamuts. (El Progreso)
	Unha lavadora de clase A pode consumir un 40% menos que unha de clase D. (Eroski)
	Unha lámpada en California bate a marca mundial ao levar 107 anos acendida. (El Progreso)
	A potencia instalada de solar fotovoltaica incrementouse un 41% en 2007. (Cinco Días)
	Os barcos de arrastre barallan a posibilade de poñer aeroxeradores para aproveitar o vento e reducir o consumo de gasoil do motor auxiliar. (La Voz de Galicia)
	En España recíclanse 1.600 toneladas de lámpadas ao ano. (Rima Nº506)
	Unha tecnoloxía hispano-portuguesa que combina a bomba de calor e a enerxía solar reduce un 10% o consumo de electricidade para quentar auga. (El Mundo)
	Os bosques galegos absorben unha cuarta parte das emisións de CO2. (La Voz de Galicia)
	Galicia xera uns 3 millóns de toneladas de biomasa forestal de uso enerxético. (El Progreso)
	Os pneumáticos cunha presión inferior á adecuada poden aumentar o consumo de carburante ata un 4%. (Axencia Internacional da Enerxía)
	Dunha hectárea de colza só se obteñen uns 600 quilos de biodiésel ou 4.000 litros de etanol. (El País)
	A nova normativa europea asegura que todos os biocarburantes deberán reducir ao menos un 35% de emisións de gases efecto invernadoiro respecto ao petróleo. (C.V. Energía nº 125)
	As emisións de dióxido de carbono repuntan en España, que triplica a cota atribuída polo Protocolo de Kioto. O incumprimento suporá o pagamento de 4.000 millóns de euros. ( La Voz de Galicia)
	O uso de gas licuado reduce case un 50% o consumo enerxético nos barcos de baixura. (Atlántico)
	O Reino Unido instala a maior turbina de enerxía xerada coas mareas. (La Voz de Galicia)
	O tren xera o 0,73% das emisións de gases invernadoiro no transporte. (Rima Nº 505)
	Investigadores recuperan solos contaminados por metais pesados con correntes eléctricas. (Diario de Pontevedra)
	Os hospitais de Santiago de Compostela gastan máis electricidade que 8.100 familias. (La Voz de Galicia)
	No ano 2020 o 20% do consumo de enerxía procederá das enerxías renovables. (La Voz de Galicia)
	Un centro de investigación británico converte o CO2 en gas natural. (Faro de Vigo)
	Unha familia cun consumo de 444 quilovatios hora produciu en marzo e en abril 113 quilogramos de CO2 e 187 gramos de dióxido de xofre, ademais de residuos radioactivos. (Faro de Vigo).
	O aforro potencial das pymes en luz equivale ao consumo dos fogares de Madrid e Barcelona. (Expansión).
	A contaminación atmosférica mata a 16.000 persoas cada ano. ( Rima Nº 505)
	A enerxía fotovoltaica medra un 40% en 2007. (Rima Nº 505).
	As algas son a única fonte de enerxía renovable capaz de substituír na súa totalidade o gasóleo fósil. (Rima Nº 505)
	A reciclaxe de vehículos permitirá un aforro de 200.000 toneladas de petróleo. (Expansión)
	Galicia producirá o 13% da demanda eléctrica nacional tras o arranque dos grupos de gas das Pontes e Sabón. (La Voz de Galicia)
	A eólica galega xera xa a electricidade que consome toda Pontevedra nun ano e medio. (Faro de Vigo)
	Viaxar no metro en lugar de facelo en coche supón emitir catro veces menos de CO2. (Rima Nº 505)
	O aproveitamento dos residuos permitirá cubrir máis dun 8% de consumo de enerxía primaria en España. (Fundación Gas Natural)
	O novos trens de proximidades aforran un 30% respecto ás series anteriores (Rima Nº 505)
	A eólica galega equivale ao 80% da electricidade que consome A Coruña (La Opinión).
	Un frigorífico de clase A pode consumir un 39% menos de enerxía que un de clase C, iso supón evitar a emisión de máis dunha tonelada de CO2 ao longo da vida do aparato e un aforro de 300 €. (Eroski).
	Os novos parques eólicos xerarán 3.000 empregos en Galicia antes do ano 2012. (El Progreso)
	En España hai máis de 700 desalinizadoras en funcionamento. Producen máis de 2 millóns de m3/ día. (Revista Ocucompra maestra Nº323)
	Europa incrementou o comsumo de petróleo o 10% nos últimos vinte anos e España nun 50%.(Energías renovables)
	En tres anos deixarán de vender as lámpadas clásicas en Australia, calcúlase que o comsumo eléctrico se reduciría nun 66%, mentres que a emisión de CO2 se rebaixaría 800.000 toneladas en 2012. (20 minutos)
	A terra absorbe o 47% da radiación solar que recibe, o que equivale a máis de 500 veces as necesidades enerxéticas derivadas da actividade humana. (Energías Renovables)
	O gas natural utilízase en España en máis de 1.600 vehículos de servizo público. (Rima Nº 504)
	En 2007 engadíronse 3.514,89 MW novos de enerxía eólica, o que supón unha taxa de crecemento do 30%. (Energías Renovables)
	O 20% da enerxía eléctrica xerada en España é de orixe nuclear. (Rima Nº504)
	As familias urbanas galegas poderían aforrar ata un 30% de auga. (La Voz de Galicia)
	A eficiencia enerxética nos fogares evitará a emisión de 6,7 millóns de toneladas de CO2. (Rima Nº 504)
	A temperatura aumentará 7 graos en Lugo nun século polo cambio climático. (El Progreso)
	A comunidade galega é a cuarta con máis puntos negros de contaminación. (El Progreso)
	Galicia podería aforrar 40 millóns de euros ao ano co uso de Biocarburantes. (El Progreso)
	Por cada tonelada de papel reciclado sálvase a corta de entre 12 e 14 árbores, afórranse 50.000 litros de auga e uns tres barrís de petróleo. (El Progreso)
	Púxose en marcha o 'Proyecto Singular y Estratégico On Cultivos', que ten por obxectivo o desenvolvemento dos cultivos enerxéticos en España. (CIEMAT)
	Alicante é a provincia española con máis quilovatios fotovoltaicos instalados por quilómetro cadrado. (BOLETÍN ENERGÍAS RENOVABLES)
	Galicia terá unha certificación para “edificios verdes” pioneira en España. (El Progreso)
	Unha vertedura dun litro de aceite usado doméstico pode contaminar máis de 100 litros de auga. (El Progreso)
	A campaña de concienciación de repartición de 200.000 lámpadas de baixo consumo evitou a emisión indirecta de 80.870 toneladas de CO2. (ENERGÍAS RENOVABLES Nº 62)
	O 27 de Abril de 1888, a cidade de Pontevedra foi a segunda urbe española, despois de Barcelona, en empregar a luz eléctrica no seu alumeado público. (Unión Fenosa)
	O temporal de vento provoca outro récord de producción eólica, o xoves 17 de abril entre a unha e duas da tarde, que logra xerar o 33% da demanda eléctrica. ( La Voz de Galicia)
	Galicia aspira a que no ano 2012 o 95% da electricidade que se consuma proceda de fontes renovables. (C.V. ENERGÍA Nº 118)
	As lámpadas de baixo consumo en todos os fogares españois aforrarían un 4% do consumo eléctrico en España. (RIMA Nº 501)
	A noite do 2 de Abril de 1851 empregouse por primeira vez a luz eléctrica en España, mediante o acendido dun arco voltaico polo profesor Antonio Casares no patio do Colexio de Fonseca da Universidade de Santiago de Compostela. (LA VOZ DE GALICIA)
	Pérdese un 80% da auga polas redes de condución. (RIMA Nº 502)
	A Xeración eólica alcanzou o sábado 22 de marzo as 18:00 horas un novo récord de cobertura da demanda ao supoñer nese momento o 40,8% con 9.862 MW en funcionamento. (Ideal Galego)
	Máis dun millón de persoas no mundo non ten acceso a auga potable segura. (RIMA Nº 501)
	Un sistema aproveitará dende 2009 as ondas da Costa da Morte para producir electricidade para 6.000 vivendas. (+QENERGÍA Nº 4)
	Por cada litro de gasolina emítese á atmosfera 2.32 quilos de CO2 e un litro de gasóleo 2.6 (INTEGRAL Nº 334)
	A produción eólica bateu o mércores 05.03.08 un novo récord histórico tras aportar o 25,5% de toda a electricidade consumida en España e superar o umbral por primeira vez dos 200.000 MWh nun só día. (El progreso)
	Unha nogueira xera 10.000 quilos de materia orgánica, 400.000 litros de auga, 28.000 m3 de osíxeno e líbranos dunha tonelada de CO2. (INTEGRAL Nº 334)
	O 21% da xeración eléctrica galega en 2006 tivo a súa orixe na enerxía eólica. (+QENERGÍA Nº 4)
	A biomasa é responsable do 78% do crecemento do conxunto das renovables en Europa na última década (BOLETÍN ENERXÍAS RENOVABLES)
	Galicia contamina 1,5 veces por riba da súa capacidade ecolóxica.(LA VOZ DE GALICIA)
	A solar térmica europea medrou un 47% durante 2006, instalaron un total de 2.100 megavatios térmicos. (BOLETÍN SOLAR )
	As eléctricas terán que emitir un 39% menos de CO2 entre 2008 e 2012 (FARO DE VIGO)
	Creouse a Asociación Española do CO2, co obxectivo de promover tecnoloxías para a redución de emisións de CO2. (ENERGÉTICA XXI – Nº 99)
	Un ordenador desperdicia case a metade da enerxía que consome. (ENERXÍAS RENOVABLES Nº 60)
	A falta de auga axexa a 1.200 millóns de persoas de cen países. (EL PROGRESO)
	A nova marca da demanda eléctrica que se rexistrou en Galicia foi o 17.12.07 con 3.261 MW.(UNIÓN FENOSA)
	A reciclaxe do vidro evitou en España en 2006 a emisión de 338.000 toneladas de CO2.(BOLETÍN ENERXÍAS RENOVABLES )
	Poñer a lavadora a carga completa pode aforrar ata 74 litros ao mes(www.cadagotacuenta.com)
	O uso diario do coche xera 2 toneladas de CO2 ao año. (HUMUS Nº 29)
	Máis de 250 millóns de persoas arredor do mundo vense afectadas pola desertificación. (BOLETÍN BIMENSUAL DO PORTAL DA AUGA DA UNESCO Nº 188)
	O consumo de 30.000 toneladas de biodiésel supón unha redución das emisións de CO2 á atmosfera de máis de 60.000 toneladas.(+QENERGÍA Nº 2)
	Todos os vehículos diésel fabricados nos últimos 10 anos poden botar no seu depósito biodiésel, sen necesidade de ningún axuste no motor. (ENERXÍAS RENOVABLES Nº 50)
	En 2020, a UE debería dispor dun mínimo de 5.000 a 10.000 estacións de hidróxeno. (RIMA Nº 497)
	Os edificios provocan o 32% das emisións de CO2 e o 17% do consumo mundial de auga. (LA VOZ DE GALICIA )
	O 40% das emisións totais de CO2 orixinadas polo consumo de enerxía proveñen do transporte por estrada.(MANUAL DE CONDUCIÓN EFICIENTE PARA OS TURISMOS. IDAE)
	Cada vez que usas unha lámpada de baixo consumo, estás aforrando 20 kg de CO2 á atmosfera ao ano; na UE aforraría 20 millóns de toneladas de CO2 ao ano.(EL PROGRESO)
	A substitución das lámpadas incandescentes da UE aforrarían ao menos 20 millóns de toneladas de CO2 ao ano.(GREENPEACE: CAMBIA A TÚA LÁMPADA)
	A contaminación urbana en España débese nun 80% ao tráfico rodado.(RIMA Nº 497)
	Por primeira vez en anos, as emisións de CO2 en España reducíronse en 2006, nun 4,1% e o consumo de enerxía primaria baixou un 1,3%(ENERXÍAS RENOVABLES Nº 50)
	No período comprendido entre xullo de 2004 e xullo de 2005, en España, consumíronse 10.200 millóns de litros de gasolina e 27.270 millóns de litros de gasóleo.(MANUAL DE CONDUCIÓN EFICIENTE PARA OS TURISMOS. IDAE)
	España multiplicou a produción de biocarburantes nos últimos anos, pero aínda exporta o 85%.(LA VOZ DE GALICIA )
	Construirase en Portugal a maior planta fotovoltaica do mundo, con 62 MW de potencia.(+QENERXÍA Nº 1)
	As emisións de CO2 medraron en 2006 a menor ritmo dende hai 16 anos. España segue triplicando os obxectivos que impón o Protocolo de Kyoto.(EXPASIÓN )
	Os edificios de nova construción deberán dispor da Certificación de Eficiencia Enerxética.(RIMA Nº 496)
	Na actualidade, a UE emite en torno ao 14% dos gases responsables do quentamento global.(ENERXÍAS RENOVABLES Nº 55)
	A enerxía consumida polas familias achégase ao 30% do consumo enerxético total de España (18% vivenda e 12% coche)GUÍA PRÁCTICA DA ENERXÍA (IDAE)
	Case 3.200 millóns de persoas poden sufrir falta de auga nos próximos setenta anos.(LA VOZ DE GALICIA )
	Galicia conta co 25.5% da potencia eólica instalada en todo o ámbito nacional, e o sector segue crecendo.(EL CORREO GALLEGO)
	A demanda de combustibles baixou un 1.3% en España durante o ano 2006.(EXPASIÓN )
	O gasto anual medio familiar da enerxía consumida na casa é de 800 € e o de combustible para o coche é de 1.200 €GUÍA PRÁCTICA DA ENERXÍA (IDAE)
	O reciclado non supera o 40% dos residuos que se xeran cada día na recollida domiciliaria.(EL CORREO GALLEGO )
	Cada fogar gasta 700 € ao ano en enerxía, o 46% en consumo de calefacción.(RIMA Nº 496)
	A iluminación de oficinas e edificios industrias supón máis do 30% do gasto eléctrico.(TECNOAMBIENTE Nº 170)
	Máis do 55% da enerxía eléctrica consumida en Galicia ten unha orixe renovable.(+QENERXÍA Nº 1)
	Na Unión Europea hai 168 nucleares, e en todo o mundo 474 reactores.(LA VOZ DE GALICIA )
	Se todo o xeo da Antártida se derretira, o nivel do mar aumentaría en máis de 60 metros.(BOLETIN SEMANAL DEL PORTAL DEL AGUA DE LA UNESCO Nº 177)
	Todas as centrais nucleares do mundo producen o 17% da enerxía eléctrica que se consome en todo o planeta.(HUMUS Nº 29)
	Os novos coches europeos diminúen as emisións de CO2 en máis dun 12% dende 1995.(RIMA Nº 493)
	A iluminación representa a quinta parte do consumo eléctrico no fogar.(IDAE)
	A central Térmica das Pontes satisfai o 6% de toda la demanda de España.(HUMUS Nº 29)
	O consumo de auga distribúese en termos xerais en torno ao 75% para a agricultura, o 20% para a industria e o 5% para o abastecemento doméstico.(TECNOAMBIENTE Nº 166)
	O uso habitual da bicicleta pode reducir en máis de 500 quilos as emisións de CO2 por persoa e ano.(ENERXÍAS RENOVABLES Nº 52)
	O biodiésel evita o 90% das emisións contaminantes.(EL CORREO GALLEGO)
	Se apagas totalmente o televisor, o ordenador e o equipo de música cando non os uses, aforrarás 87.2 kg de CO2 ao ano.(www.movimientoclima.org)
	De seguir co actual ritmo de consumo, as reservas naturais de hidrocarburos esgotaranse en torno ao ano 2050.(LA VOZ DE GALICIA )
	En España distribúense 10.500 millóns de bolsas de plástico ao ano, e só se recicla o 10%.(RIMA Nº 492)
	O turismo contribúe a un 7% da contaminación do Mediterráneo produto das augas residuais, xerando máis de 180 litros de augas residuais por turista ao día.(BOLETÍN SEMANAL DO PORTAL DA AUGA DA UNESCO Nº 155)
	Galicia terá en catro anos 60.000 metros cadrados de paneis de enerxía solar térmica.(LA REGIÓN )
	A Biomasa pode aportar en 10 anos o 25% da electricidade consumida polas familias galegas.(LA VOZ DE GALICIA )
	O aproveitamiento das ondas é entre un 10 e un 20% superior ó do vento.(RIMA Nº 490)
	Actualmente, os edificios constitúen o 40% do consumo de enerxía nos países desenvolvidos.(RIMA Nº 489)
	As principais causas da chuvia ácida son o dióxido de xofre e os óxidos de nitróxeno producidos cando se queiman combustibles fósiles.(BOLETÍN SEMANAL DO PORTAL DA AUGA DA UNESCO Nº 146)
	O grupo de música Pearl Jam compensará as emisións de CO2 da súa xira mundial con doazóns a ONG`s, aproximadamente 79.000 €.(ENERGÍAS RENOVABLES )
	O 31% dos rapaces declara non utilizar o coche por motivos medioambientais.(REVISTA NATURAL – DECEMBRO 2005)
	Máis do 75% do alumeado de oficinas europeo malgasta enerxía e incumpre os estándares de calidade.(RIMA Nº 489)
	O 50% dos desprazamentos ó traballo realízanse en automóbil, o que representa o 40% dos desprazamentos urbanos en día laborable.(IDAE)
	O consumo enerxético de cada familia é de 650 euros ó ano.(LA VOZ DE GALICIA 14/07/06)
	España debe multiplicar por 16 o consumo de biocarburantes ata 2010.(APPA INFO Nº 21)
	O consumo de enerxía primaria pasou de 91.8 Mtep en 1990 a 146.19 Mtep en 2005.(RIMA Nº 489)
	A contaminación causa 16.000 mortos ó ano en España.(HUMUS Nº 24)
	O Plan Galego de Aforro e Eficiencia Enerxética 2006 – 2009 prevé reducir o crecemento da demanda dun 3.2% anual a un 2.35% o que supón un aforro equivalente a un millón de barrís de petróleo ó ano.(LA VOZ DE GALICIA )
	Na provincia de Lugo hai 39 parques eólicos que producen máis do 10% da enerxía eólica do Estado.(EL PROGRESO )
	O informe ecotest conclúe que un vehículo antigo contamina máis que 100 novos (RIMA nº489)
	En 2005 as emisións españolas por habitante foron de 10 toneladas de CO2 (RIMA nº489)
	O Stand by é responsable do 1% das emisións globais de CO2 no mundo.(ENERXÍAS RENOVABLES Nº 47)
	A contaminación da auga ocasiona o 80% das enfermidades dos países pobres. (RIMA Nº 488)
	As ondas que rompen nas costas galegas poderían xerar a enerxía suficiente para abastecer o 37.3% do consumo eléctrico de toda España. (A VOZ DE GALICIA)
	O mundo necesita unha revolución no campo da eficiencia enerxética e un mellor investimento nas enerxías renovables. (KOFI ANAN, SECRETARIO XERAL DA ONU)
	A potencia fotovoltaica instalada en Europa chega ós 1.793 MW. (BOLETÍN DE ENERXÍAS RENOVABLES)
	Os españois consomen o triplo dos recursos humanos naturais existentes no país. (WWF/ Adena)
	Calculouse que co cambio dunha única lámpada en todos os fogares españois, podería xerarse un aforro enerxético para abastecer toda Cataluña e a Comunidade de Madrid ou a República Dominicana. (UNIÓN FENOSA)
	Está demostrado que sería posible evitar 1.7 millóns de mortes anuais se se facilitase un acceso seguro á auga potable, ó saneamento e á hixiene. (BOLETÍN DO PORTAL DA AUGA DA UNESCO Nº 134)
	Acábanse de instalar en Alemaña tres aeroxeradores de 6 MW, cun rotor de 112 metros, 124 metros de altura e 500 toneladas de peso.(BOLETÍN DE ENERXÍAS RENOVABLES)
	O 80% do consumo mundial de enerxía provén de combustibles fósiles. (ENERXÍA Nº 190)
	O número de desastres naturais medrou un 55% en 5 anos. (A VOZ DE GALICIA )
	O 50% dos humedais do mundo desapareceron no último século. (BOLETÍN SEMANAL DO PORTAL DA AUGA DA UNESCO Nº 129)
	A fotosíntese utiliza o 2% da enerxía solar de onde sacamos os alimentos. (ENERGÍAS RENOVABLES Nº 42)
	O furado de ozono acadará a súa máxima extensión dende o ano 2000 de 10 millóns de Km2. (RIMA Nº 475)
	Dous graos máis de temperatura farían irreversible o desxeo do Ártico. (A VOZ DE GALICIA )
	Un español emite máis CO2 ca un francés e menos ca un alemán. (RIMA Nº 483)
	Que a enerxía eólica supera os 10.000 MW de potencia instalada en España. (CINCO DÍAS)
	Reciclar 1 tonelada de papel permite aforrar 20.000 litros de auga. (RIMA Nº484)
	A Comunidade galega posúe o 25% de toda a enerxía renovable española, equivalente a dúas centrais térmicas como a das Pontes. (A VOZ DE GALICIA 04/03/06)
	Algún día a auga utilizarase como combustible de forma que o hidróxeno e o osíxeno que a forman, usados xuntos ou separadamente, subministrarán unha fonte inesgotable de calor e luz. (.A ILLA MISTERIOSA – JULIO VERNE)
	Europa sofre o maior cambio climático dos últimos 5000 anos. (ENERGÍAS RENOVABLES Nº 42)
	O primeiro motor diésel data do ano 1900 e funcionaba con aceite puro de cacahuete. (RIMA Nº 482)
	Sogama construirá unha planta de biomasa en Cerceda que xerará 17 MW. (A VOZ DE GALICIA )
	Unha cisterna cunha fuga desperdicia ata 12.000 litros por día.(www.terra.com)
	As Fragas do Eume están consideradas o mellor bosque atlántico costeiro europeo. (HUMUS Nº 18)
	A demanda mundial de enerxía aumentará un 50% nos próximos 25 anos. (LA REGIÓN )
	A península Ibérica soporta o 85% dos incendios dos países mediterráneos. (RIMA Nº 475)
	Os cultivos enerxéticos garanten un aproveitamento importante da biomasa. (ENERXÍAS RENOVABLES Nº 40)
	A temperatura do Océano Atlántico sobe a un ritmo de 0,4 graos por década. (A VOZ DE GALICIA )
	Na codia terrestre as rochas máis abundantes son os granitos. (HUMUS Nº 18)
	A maior finca solar de Galicia construirase na zona sur de Lugo e producirá case 12 MW ó ano. (O PROGRESO)
	A solar fotovoltaica medra no mundo unha media anual do 60% desde o ano 2000. (WORLDWATCH INSTITUTE)
	En África máis do 70% da poboación urbana (160 millóns de persoas) vive en áreas pobres. (RIMA Nº 468)
	O 9.1 % do territorio español é un espazo natural protexido. (HUMUS Nº 15)
	Vaise construír unha planta de enerxía das ondas na costa cántabra ocupando 2.000 m2 e subministrando enerxía eléctrica para 1.500 familias.(ENERXÍAS RENOVABLES )
	As aves aprenden a evitar os choques cos aeroxeradores segundo un estudo do National Environmental Research Institute.
	A iluminación do nadal en Madrid, entre o 28/11/04 e o 05/01/05, foi de 3.6 millóns de Kwh emitindo 4.000 toneladas de CO2.
	Só no ano 2004 puidéronse recuperar máis de 1.100.000 toneladas de envases, cantidade equivalente a encher, por completo, 82 estadios de fútbol.(Ecoembes)
	Boeing última o prototipo do primeiro avión propulsado por hidróxeno.(RIMA Nº 452)
	O cru acadará os 380 dólares en 10 anos. (Caja de Ahorros Ixix CIB.)
	O líder mundial en m2 instalados de enerxía solar térmica é Israel, con 52,3 m2 por cada mil habitantes. (ENERXÍAS RENOVABLES Nº 37)
	A enerxía estimada do mar é da orde de 20.000 TWh. (WWW.GEOTICIES.COM)
	O ruído afecta á audición de 13 millóns de traballadores na UE. (RIMA Nº 464)
	As enerxías renovables supuxeron o 6,5 % do consumo no ano 2004 en España. (ENERXÍAS RENOVABLES Nº 37)
	O tráfico xera a metade da contaminación nas cidades españolas. (RIMA Nº 464)
	A enerxía mareomotriz podería proporcionar 635.000 GW/h anuais, equivalentes a 1.045.000.000 barrís de petróleo. (www.ambientum.com)
	310.000 persoas morren ó ano na UE pola contaminación do aire. (RIMA Nº 463)
	O consumo medio municipal por habitante e ano é de 232 kWh, o que representa un gasto medio de 26 € hab/ano. (INEGA)
	A falta de auga podería afectar a 7.000 millóns de persoas no ano 2050. (HUMUS Nº 15)
	Cada grao aumentado na calefacción supón o consumo dun 8% máis da enerxía.RIMA Nº456)
	Nas ondas, por cada metro de costa poderíanse aforrar 8 kW; se houbese 336.000 km de costa xeraríanse 2.688.000 MW. (www.desarrollosostenible.com)
	Unha condución eficiente suporía unha redución de CO2 equivalente á plantación de 48 millóns de árbores en toda España.(RIMA Nº 453)
	A enerxía estimada das mareas é de 22.000 TWh, sendo recuperables 200 TWh. (www.desarrollosostenible.com)
	Se cambiamos 1 MW xerado con carbón por un eólico, evítase emitir a atmosfera 1,02 toneladas de CO2.(APPA)
	Un autobús ocupa 50 veces menos espazo e consome 15 veces menos enerxía por viaxeiro transportado que un coche particular.(RIMA Nº 453)
	Un neno de menos de 10 anos morre de fame no mundo cada 7 segundos, outro queda cego cada 4 minutos por falta de Vitamina A. (Jean Ziegler – ONU)
	Se instalamos un dobre cristal nas ventás, podemos aforrar un 25% de enerxía e protexernos contra a contaminación acústica.(RIMA Nº 452)
	Pódense aforrar ata 100 € ó ano facendo un uso intelixente da iluminación dos nosos fogares. (IDAE)
	A UE quere reducir as súas emisións invernadoiro entre o 60 e o 80% no ano 2050. (BOLETÍN DE ENERXÍAS RENOVABLES )
	Un inodoro con pequenas fugas pode representar unha perda anual de 34.000 litros de auga. (DOSSIER DO MEDIO AMBIENTE Nº 449)
	O cambio climático podería acadar en 10 anos o punto de non retorno.(RIMA nº 451)
	250 autobuses da empresa municipal de transportes en Madrid circularán con biodiésel. (RIMA nº 452)
	Unha billa aberta consome entre 5 e 10 litros de auga por minuto. (DOSSIER DO MEDIO AMBIENTE Nº 449)
	O Instituto Tecnolóxico do Plástico investiga uns novos plásticos que desaparecen tras o seu uso. (XEOSCOPIO: BOLETÍN Nº 482)
	A temperatura da terra subirá 2 graos centígrados en 20 anos. (RIMA nº 451)
	Máis do 50 % do consumo do carbón prodúcese na China e Usa. (Joaquín Nieto)
	Nunha vivenda media pódense aforrar 75.000 litros de auga ó ano, simplemente pechando as billas cando non se empregan.(DOSSIER DO MEDIO AMBIENTE Nº 449)
	10 gotas por minuto, nunha billa mal pechada ou con fugas, equivalen a desaproveitar 2.000 litros de auga ó ano.(DOSSIER DO MEDIO AMBIENTE Nº 449)
	A penalización económica pola emisión de gases do efecto invernadoiro pode ascender a 100€ por tonelada. (Joaquín Nieto CCOO)
	Nunha ducha de 5 minutos necesítanse 50 litros de auga, mentres que un baño consome, como mínimo, 150 litros(.DOSSIER DO MEDIO AMBIENTE Nº 449)
	O sector do transporte consome ata o 40% da enerxía da nosa sociedade. (RIMA nº 452)
	Cada ano deforéstase no mundo unha superficie equivalente a unha España e media. (Joaquín Nieto. CC.OO)
	Aproximadamente o 75% do consumo da auga nunha vivenda realízase no baño. (DOSSIER DO MEDIO AMBIENTE Nº 449)
	Estase a promover o desenvolvemento dos ladrillos fotovoltaicos na Comunidade Valenciana. BOLETÍN ENERXIAS RENOVABLES: 14/02/05.
	Os españois aforrarían un 15% anual en combustible cunha condución máis eficiente. (XEOSCOPIO BOLETÍN Nº 482)
	A NASA estuda plantar piñeiros en Marte. (Dossier)
	Reciclar 100 Kg. de papel salva a vida de 7 árbores(DOSSIER)
	Un 10% das aves desaparecerán e outro 15% estará en extinción no ano 2100. (Xornal El Mundo)
	Os vehículos son os responsables do 70% dos óxidos nitrosos. (Instituto da Educación. Concello de Barcelona)
	1 litro de aceite lubricante pode chegar a contaminar ata un millón de litros de auga.
	A nova marca de demanda eléctrica rexistrouse, en España, o 17.07.06 ás 13:26 con 40.730 MW (R.E.E.)
	No último salón do automóbil en Detroit, presentáronse vehículos de hidróxeno capaces de acelerar de 0 a 100 en dez segundos.
	O primeiro panel solar da historia foi o presentado en 1952 por Bell Sistems. (Nº 33 Energías Renovables)
	A cidade de Bilbao contará co primeiro parque eólico mariño de España
	A maior central fotovoltaica do mundo conta con 33.500 paneis solares, 5 MW de potencia e atópase en Alemaña. ( Fundación Terra)
	O sol incide sobre Galicia un 20% máis que en Alemaña e este país europeo é o maior produtor solar do mundo. (INEGA)
	Cada cidadán da Unión Europea produce ó ano 5 toneladas de lixo. (UE)
	A maior velocidade do vento rexistrada no mundo foi de 416 km/h en 1934 nos Estados Unidos de América
	As pas máis grandes do mundo (61,5 m) atópanse en Alemaña e están instaladas nun aeroxerador de 120 m de altura e 5 MW de potencia. (LM)
	A cociña solar máis grande do mundo atópase na India e é capaz de cociñar 40.000 pratos ó día. ( Terra)
	As inundacións ameazarán a un terzo da humanidade dentro de 50 anos.
	A illa holandesa de Vlieland emprega só fontes renovables: turbinas mariñas, eólica, fotovoltaica, biomasa, xeotérmica e planta de hidróxeno.
	Constrúese en Sevilla a central de enerxía solar máis potente de Europa, cunha pontencia de 10 MW.
	España reciclou no ano 2003, o 57,7% dos envases usados de aceiro.
	Galicia destaca como a primeira comunidade autónoma na produción de enerxía eólica.
	Cada ano amoréanse en Europa 190.000 toneladas de pilas.
	A eólica medra na UE a unha media anual dun 35%
	A arquitectura sostible fai aforrar un 20% de enerxía.
	O transporte en España emite un 30% de CO2
	Os aparatos de baixo consumo reducen o gasto ata 1.900 euros na súa vida útil.
	A potencia eólica instalada en España é de 7.080 MW.
	O número de aeroxeradores en Galicia é de 2.737, o número total de parques en funcionamento 79 e a potencia instalada é de 1.772 MW.
	A eólica creou en Europa máis de 80.000 postos de traballo; en España uns 10.000.
	A demanda de enerxía mundial incrementarase un 54% máis ata o ano 2005 polo aumento do consumo dos países en vías de desenvolvemento e as nacións asiáticas.
	Un recolector da prehistoria consumía 2kWh por día. O Home e a Muller industrializados consomen 300 kWh por día.