Un grupo de docentes procedente de diferentes centros educativos europeos visitaron as instalacións do noso Parque.
O grupo, procedente de países como Francia, Italia e Romanía, pertence ao Programa ECOGAIA 2010-2012 do Proxecto Comenius, un proxecto financiado pola Comunidade Europea que procura o desenvolvemento e entendemento entre varias culturas europeas a través do intercambio e cooperación entre escolas de diferentes países.
Durante a visita, que tivo unha duración total de dúas horas, unha quincena de mestres especialistas en diferentes áreas da educación, puideron coñecer proxectos tan relevantes como o de Acumulación de Enerxía Eólica en forma de Hidróxeno ou a Vivenda Bioclimática Demostrativa, ademais de visitar a sala de control do Parque e a zona dedicada a eficiencia enerxética no fogar.
