O presidente da Fundación Sotavento Galicia, Eliseo Diéguez García e o director territorial de Novacaixagalicia en Santiago, Juan Carlos Carneiro Caneda, renovaron o acordo de colaboración firmado por ambas entidades no 2006.
O principal obxectivo de dito acordo é estudar e promover todo tipo de proxectos relacionados con enerxías renovables. Grazas a esta colaboración permitirase a realización dun amplo abanico de actividades e estudos relacionados co respecto e a conservación do medio ambiente, ao promover o uso de enerxías renovables e o aforro enerxético.
Grazas a esta iniciativa, nestes cinco anos foron posibles publicacións como “A enerxía ao redor de ti”, a celebración de xornadas técnicas orientadas a diferentes colectivos, a elaboración de paneis divulgativos sobre enerxías renovables ou a confección de maquetas demostrativas para promover o aforro enerxético.
