As instalacións de Sotavento acolleron o acto inaugural do segundo cuadrimestre do curso 2012-2013 da UNED Sénior de Eume e Terra Chá.
A apertura do acto, que deu comezo á segunda parte do curso da universidade para maiores, tivo lugar a cargo de representantes da UNED na Coruña; do xerente de Sotavento, José Núñez, e do coordinador da Uned Sénior de Eume e Terra Chá, Luis Ángel Rodríguez Patiño. Ademais, estiveron acompañados polos Alcaldes de Guitiriz, Xermade e Monfero entre outras autoridades.
Trala apertura do acto, que xuntou a máis dun centenar de persoas, os representantes de cada un dos Concellos asociados fixeron entrega dos diplomas correspondentes ao primeiro cuadrimestre do curso. Seguidamente, persoal da área divulgativa de Sotavento tratou de reflexionar sobre os focos de emisións de gases de efecto invernadoiro á atmosfera e aportou consellos para mitigalos. Santiago Pemán pechou a xornada falando da incidencia e repercusións do cambio climático e, como clausura, o coro da UNED Sénior fixo interpretación do seu himno.
