O Presidente de Sotavento e, á súa vez, Director Xeral de Industria, Ángel Bernardo Tahoces, inaugurou de forma oficial as actividades educativas de Sotavento para o curso 2019/20. O acto contou, ademais, con representantes da Consellería de Educación, da Consellería de Economía, Emprego e Industria e da Delegación Territorial de Lugo.
Tahoces destacou a importancia “da educación enerxética como solución a longo prazo para os problemas enerxéticos máis significativos cos que se atopará a humanidade neste século: cambio climático, exceso de consumo e escaseza de recursos enerxéticos” e o papel fundamental de Sotavento como centro de referencia neste eido.
As actividades divulgativas de Sotavento cumpriron a maioría de idade o pasado 6 de novembro e dende o seu inicio supera o cuarto de millón de participantes cunha media de 15.000 visitantes/ano (80% pertencentes á educación formal).
