Como xa é habitual, seguimos actualizándonos e traballando na creación de novos contidos. Os máis recentes son a posta en marcha dun proxecto de acumulación de enerxía solar en baterías para unha vivenda e o desenvolvemento dun sistema de xestión preditiva para a calefacción por chan radiante.
Ambos proxectos se desenvolven na Vivenda Bioclimática e van acompañados dunha aplicación divulgativa que nos permite ver datos en tempo real e históricos e, nalgún caso, incluso calcular a nosa propia instalación a través dos datos personalizados indicados polo usuario.
