Author: Sotavento

Aeroxeradores tripala, de eixe vertical, turbinas hidráulicas, captadores solares, concentradores solares con e sen seguidor, e ata un parque eólico completo, son algúns dos experimentos e proxectos presentados aos Certames de Premios Renovables que, anualmente, convoca Sotavento.
Estes obradoiros espertan grande interese nos visitantes que encontran neles maior facilidade para a compresión de máquinas máis complexas.

Aeroxeradores tripala, de eixe vertical, turbinas hidráulicas, captadores solares, concentradores solares con e sen seguidor, e ata un parque eólico completo, son algúns dos experimentos e proxectos presentados aos Certames de Premios Renovables que, anualmente, convoca Sotavento.
Estes obradoiros espertan grande interese nos visitantes que encontran neles maior facilidade para a compresión de máquinas máis complexas.

O gran número de nenos e nena que visitaron as instalacións do Parque foron os verdadeiros protagonistas e autores desta exposición realizada durante o verán de 2004. Máis de 2.000 debuxos foron expostos na base dos aeroxeradores do parque a razón de 100 debuxos por máquina. Posiblemente foi a mostra de arte infantil máis grande xamais realizada en Galicia utilizando como soporte os fustes dos aeroxeradores.

Formada por un túnel de vento, un pequeno aeroxerador, turbinas hidráulicas, pilas de combustible e outros exemplos de xeración e acumulación eléctrica. As maquetas, de pequenas dimensións, exemplificaban á perfección o complexo proceso de xeración eléctrica mediante o vento e a auga.

Mostra composta por distintas maquetas que representan o uso tradicional das enerxías renovables en Galicia. Pódese observar o funcionamento real de batáns, fraguas, muíños hidráulicos e de vento, serradoiros, etc. Van dirixidas a aquelas persoas interesadas en coñecer ou recordar antigas instalacións tradicionais de aproveitamento das enerxías renovables.