Noticias

Sotavento celebra os Energy Days

A Fundación Sotavento Galicia uniuse este ano á celebración da Semana Europea da Enerxía Sostible.

Esta iniciativa tivo lugar por primeira vez hai seis anos a través da Comisión Europea e hoxe en día está organizada pola Axencia Executiva de Competitividade e Innovación, en estreita cooperación coa Dirección Xeral de Enerxía da Comisión Europea.

Nesta celebración participan cada ano centos de organizacións e individuos con actividades que promoven as enerxías renovables e a eficiencia enerxética. Está deseñada para difundir as mellores prácticas, inspirar novas ideas e construír alianzas que axuden a satisfacer as necesidades enerxéticas da Unión Europea e os seus obxectivos climáticos.

Facendo fincapé no aforro e a eficiencia enerxética e amosando datos reais de todas as súas instalacións, a Fundación Sotavento Galicia dedicou durante unha semana as súas actividades a esta iniciativa.