Sotavento inaugura o curso académico 2013/2014 con 81 rapaces do IES Francisco Asorey de Cambados. Os rapaces, pertencentes ao segundo curso de secundaria e primeiro de bacharelato, son os primeiros alumnos en participar nas actividades que propoñemos para este novo curso.
O centro, un dos habituais, leva participando nas nosas actividades educativas – divulgativas dende o 2002, acumulando máis de 15 visitas dende entón.
XESTIÓN DE VISITAS
Actualmente atopámonos no proceso de recepción de solicitudes de visita para o novo curso académico 2013/2014. Polo de agora estase a cubrir o calendario a bo ritmo con visitas de diferentes centros educativos galegos, nacionais e mesmo internacionais. A estes grupos únense ademais diferentes asociacións, fundacións, familias, particulares, técnicos, turistas e curiosos localizados sobre todo en festivos e fins de semana.
Os visitantes buscan fundamentalmente coñecer máis de preto a situación enerxética actual a través de datos e instalacións reais de diferentes fontes de enerxía, a partires de ópticas de aproximación adaptadas aos seus intereses e coñecementos.
Lembramos que a reserva de datas debe facerse a través do teléfono 981 563 777 e para calquera información relacionada coas actividades e para visitas en fins de semana e festivos a Fundación pon a disposición dos interesados/as o 981 441 020.
