Proxectos realizados

Un dos obxectivos de Sotavento é a promoción e realización de proxectos de investigación, experimentación e demostración no eido das enerxías renovables. Estes estudos lévanse a cabo co fin de promover e optimizar o uso deste tipo de fontes enerxéticas que posibilitarán un futuro sostible do planeta. O mecanismo que dá orixe aos proxectos pretende dar resposta principalmente ás seguintes cuestións:

• Resolver problemáticas do sector das enerxías renovables. O sistema de xeración e acumulación de enerxía en forma de hidróxeno constituiría un exemplo de proxecto con esta pretensión.
• Preguntas ou propostas, formuladas desde organismos, universidades ou polos propios visitantes do parque. Como exemplo, a vivenda bioclimática demostrativa.