Repotenciación

O Parque Eólico de Sotavento atópase situado nos contrafortes setentrionais da Serra da Loba, no límite dos termos municipais de Monfero (A Coruña) e Xermade (Lugo).

A modificación do Parque Eólico Sotavento (repotenciación parcial) está incluída na Área de Desenvolvemento Eólico (ADE) denominada Sotavento, delimitada no Plan Sectorial Eólico, considerando a franxa paralela a esta.

A poligonal do parque eólico, considerando a repotenciación proposta, atópase definida polas seguintes coordenadas UTM:

Os aeroxeradores obxecto de nova construción sitúanse no sector norte da poligonal, emprazados sobre unha dorsal suave e estreita que descende cara ao nordés desde o Serrón do Lobo (700 m) cara ao Penedo das Abelleiras (677 m) e o Monte dos Quince (665 m). Os aeroxeradores que serán desmantelados sitúanse no centro-norte da poligonal.

Plano ou ortofoto que amosa a instalación eólica proxectada.

A continuación, adxúntase o plano de situación do parque eólico, amosando a localización dos novos aeroxeradores proxectados, dos existentes e dos que serán eliminados na actuación proxectada.

A continuación, adxúntanse as coordenadas nas cales se sitúan os aeroxeradores que serán desmantelados, así como tamén a súa numeración dentro da instalación para que poidan ser identificados:

Estas seis posicións, tres delas emprazadas en terreos incluídos no Parque Natural das Fragas do Eume e na Rede Natura, serán substituídas por dúas novas posicións emprazadas fóra de espazos protexidos da Rede Galega, coas seguintes coordenadas:

Potencia total da instalación eólica proxectada en unidades de MW, con indicación de tres (3) decimais.

A repotenciación proxectada consta da eliminación de seis aeroxeradores, con potencias unitarias variables, representando en conxunto unha potencia total de 3,440 MW, e a instalación de dous aeroxeradores novos, cunha potencia unitaria de 4,200 MW, polo que a potencia total da instalación eólica proxectada é de 8,400 MW.

Número e características xerais identificativas dos aeroxeradores que compoñen a instalación eólica proxectada: Potencia unitaria, tecnoloxía, modelo, altura de torre, diámetro do rotor.
A repotenciación proxectada consta da eliminación de seis aeroxeradores e a instalación de dous aeroxeradores novos coas seguintes características:

1. Potencia aeroxerador: 4,200 MW
2. Tecnoloxía: eixe horizontal e paso variable
3. Altura de cubo: 131,4 m.
4. Diámetro de rotor: 137 m.
5. Punta de pá: ata 199,9 m.

Dada a volatilidade de prezos e a baixa dispoñibilidade de tecnoloxía, con longos períodos de entrega, o modelo concreto da máquina a instalar podería variar de cara a poder cumprir a planificación definida e realizar a actuación en prazo coa opción que ofreza uns prezos e tempos de entrega máis axeitados.

O punto fronteira para a evacuación da produción eléctrica da instalación eólica proxectada é a subestación Mourela de Unión Fenosa Distribución, que está situada nas coordenadas topográficas 43.433929 N, 7.854247 W, sendo a tensión de rede da liña de alta tensión ata o citado punto de 132 KV.

Produción eléctrica anual estimada, total (MWh) e por unidade de potencia (MWh/MW), para a instalación eólica proxectada no punto fronteira coa rede pública de distribución ou transporte ou coa rede privada interior. Igualmente, indicarase a produción eléctrica anual real do último exercicio completo, total (MWh) e por unidade de potencia (MWh/MW), da instalación eólica existente a desmantelar total ou parcialmente.