Monitorización e Comunicacións

O Parque Eólico Sotavento está comunicado co exterior mediante redes de datos de banda larga redundantes que permiten manter unha comunicación constante co mesmo:

• Liñas ADSL estándar (chegan ao parque mediante fibra óptica)
• Liña ADSL WIFI (chega ao parque mediante radioenlace)

Dentro do parque existen varias subredes que permiten desenvolver con solvencia as diferentes tarefas e proxectos.

O medio utilizado para o transporte de información entre o interior e exterior do parque é fibra óptica monomodo e multimodo, empregándose unicamente cableado estruturado na conexión cos equipos.

As principais subredes existentes son:

1. Rede de xeradores eólicos (Produción)
   Esta rede de comunicación implementouse para unha análise en paralelo dos datos proporcionados polos SCADA dos xeradores eólicos. Subrede de fibra óptica (con topoloxía Token Ring) que comunica todos os xeradores eólicos co edificio de control.
2. Rede de explotación
   Subrede composta por todos os equipos dedicados á explotación desde o punto de vista técnico:
   • Segmentos de rede e equipos SCADA de xeradores eólicos e subestación
   • Segmentos de rede e equipos de torres anemométricas
   • Segmentos de rede e equipos relacionados con proxectos experimentais específicos
3. Rede de Divulgación
   Composta por todos os equipos dedicados a labores educativo-divulgativas:
   • Estacións de traballo de educadores
   • Puntos información-divulgación interactivos
4. Rede de Servidores
   Dentro da subrede de servidores, situada na sala de racks do edificio de control do parque, atópanse centralizados todos os servidores de información que proporcionan os diferentes servizos a todas as demais subredes. É unha rede DMZ (especialmente protexida).
   Os servidores que contén son:
   • Servidor de arquivos (Active Directory)
   • Servidor de base de datos (SQL Server)
   • Servidor WEB (Apache e Tomcat)
   • Servidor Real Time (SCADA datos tempo real)
   • Servidores Aplicacións (Proxectos, instalacións, etc.)
   • Servidor de Backup (NAS)
5. Rede de Sistemas Auxiliares
   Rede que contén equipos auxiliares, de uso común, compartidos polas demais subredes (impresoras, escáner, pantallas de proxección, etc.). Todas as subredes están protexidas mediante un completo sistema firewall. Todos os equipos principais dispoñen de sistema de alimentación ininterrompida (SAI).