Author: divulgacion

O martes 23 de setembro ábrese o prazo para a xestión de visitas escolares para este curso académico.  Debido a grande demanda dende a comunidade educativa e o público en xeral, Sotavento non pode garantir datas para realizar a actividade durante o curso en vigor para todas as solicitudes.

Sotavento conta cun programa de actividades de educación enerxética que se leva a cabo nunhas instalacións de máis de 1000 m2, entre as que destaca unha vivenda bioclimática real. A eficiencia enerxética e as súas repercusións ambientais e económicas no uso de diferentes fontes de enerxía, son aspectos fundamentais sobre os que xira o plan educativo.

Así mesmo, tamén se desenvolven actividades nos propios centros educativos que o soliciten: unha modalidade na que educadores/as e materiais desprázanse ata os propios centros de ensinanza.

Para xestionar unha visita pódese contactar a través do teléfono 981 563 777 en horario de 9:00 a 11:00 h e de 12:00 a 14:00 h

Un ano máis, o Certame Renovable de Fotografía de Sotavento, que xa vai pola súa décimo terceira edición, fixo entrega dun premio de 400€ en metálico á súa gañadora. A fotografía seleccionada polo xurado, entre as máis de vinte presentadas, foi “Viaxe xélida entre algodóns” de Ilda Gregorio Corral, natural de As Pontes de García Rodríguez.

O principal obxectivo deste certame fotográfico, no que pode participar calquera persoa sen límite de idade cunha imaxe do Parque Eólico Experimental Sotavento, é dar a coñecer o mundo das enerxías renovables en xeral e a idea de Sotavento en particular.

Sotavento supera os 300.000 visitantes. A visitante 300.000 foi unha rapaza de 16 anos do CPI Santa Lucía de Moraña.

Ao longo do 2024, recibimos un total de 9.192 visitantes, repartidos en 243 visitas, o que implica un incremento de preto dun millar de persoas con respecto ao ano 2023. Deste xeito, Sotavento aséntase como centro referente na formación en educación enerxética do alumnado galego e doutras comunidades autónomas.

Un 40% dos participantes nas nosas actividades pedagóxicas procedían de Centros de Secundaria seguidos por grupos técnicos e centros de Primaria como colectivos máis significativos. Ademais, durante este ano desenvolvemos actividades específicas de formación do profesorado.

Por outra banda Sotavento constitúe unha ferramenta ideal para o sector eólico e este ano leváronse a cabo numerosos cursos de piloto de drones para a inspección de aeroxeradores e simulacros e plans de rescate adaptados ás máquinas eólicas.

Entre outras actividades de interese, destacamos a nosa participación en Enerxetika 2024 (Feira da Enerxía de Silleda) e a recepción no mes de maio dos embaixadores dos 27 países da Unión Europea.

No apartado turístico e como vén sendo habitual nos últimos anos, Sotavento esperta interese entre importantes operadoras que ofertan as actividades do parque a distintas navieras. Deste xeito tanto este ano  que finaliza como o próximo 2025, distintos cruceiros internacionais de escala en portos galegos achegaranse a coñecer esa singular instalación.

Para o primeiro semestre do ano 2025, 4.000 persoas xa concertaron cita en Sotavento, e mantemos unha lista de espera de máis de 1.000 alumnos/as  para o vindeiro curso académico.

Empeza un novo curso académico e, con el, convocamos outra edición do Certame Renovable de Fotografía. A persoa gañadora recibirá un premio en metálico de 400€.

As fotografías deben ter como temática principal o Parque Eólico Experimental Sotavento e poderanse enviar por correo electrónico ata o 20 de xuño de 2024 á seguinte dirección: info-divulgacion@sotaventogalicia.com

Pode participar calquera persoa, non existe límite de idade. As bases do concurso anéxanse no seguinte documento PDF

XIII CERTAME RENOVABLE

O luns 23 de setembro ábrese o prazo para a xestión de visitas escolares para este curso académico.  Debido a grande demanda dende a comunidade educativa e o público en xeral, Sotavento non pode garantir datas para realizar a actividade durante o curso en vigor para todas as solicitudes.

Sotavento conta cun programa de actividades de educación enerxética que se leva a cabo nunhas instalacións de máis de 1000 m2, entre as que destaca unha vivenda bioclimática real. A eficiencia enerxética e as súas repercusións ambientais e económicas no uso de diferentes fontes de enerxía, son aspectos fundamentais sobre os que xira o plan educativo.

Así mesmo, tamén se desenvolven actividades nos propios centros educativos que o soliciten: unha modalidade na que educadores/as e materiais desprázanse ata os propios centros de ensinanza.

Para xestionar unha visita pódese contactar a través do teléfono 981 563 777 en horario de 9:00 a 11:00 h e de 12:00 a 14:00 h