Noticias

Enigma con agasallo

16 Abril 2020

Señores e señoras, o Planeta Terra está en serio PERIGO🌏. Non se cansa de enviarnos día tras día sinais de socorro 🆘. Temos que axudarlle XA.

Para iso, dende o Departamento Divulgativo de Sotavento propoñémosvos unha serie de ENIGMAS PARA RESOLVER e dar coa solución ao problema. DEPENDE DE TI!!!! 💪

Para acceder debes copiar o enlace que poñemos máis abaixo no teu navegador (recoméndase acceder dende un ordenador).

Se eres capaz de chegar ata o final e nolo demostras cunha foto ou captura de pantalla ao whatsapp 652808173 ou deixando o teu comentario no noso fío de facebook, entrarás no SORTEO DUN AGASALLO. 🎁

Tes ata o luns 20 de abril ás 14:00 horas para participar no sorteo.

Non te olvides de contestar en MAIÚSCULAS.

Nota: Se necesitas algunha pista non dubides en pedírnola por whatsapp no 652808173 (dispoñible días laborais de 10 a 12 horas)

ENLACE: https://eduescaperoom.com/enigma/hoXN5AQRkeww

Noticias

Sotavento comparte nas redes sociais consellos de eficiencia enerxética

30 Marzo 2020

O confinamento ao que estamos sometidos debido á emerxencia sanitaria que estamos a vivir, fai que a maioría dos cidadáns pasemos moito máis tempo nas nosas vivendas, o que pode repercutir nun importante sobrecusto a final de mes na nosa factura eléctrica.

Para axudarlle ás familias a que o seu consumo de electricidade non se “dispare” nestes difíciles momentos, dende Sotavento estamos a compartir nas nosas redes sociais (Facebook, Twitter e Instagram) consellos de eficiencia enerxética cada certo tempo. Deste xeito, tamén pretendemos concienciar da necesidade de facer un uso máis responsable e eficiente da enerxía nos nosos fogares, non só durante estes días, senón durante todo o ano.

Ademais, con cada consello, poñemos a disposición dos nosos seguidores un número de whatsapp no que poden consultarnos calquera dúbida sobre o tema.

Noticias

Mellor trimestre dos últimos 6 anos en canto a número de visitantes

20 Marzo 2020

Cun total de 2.713 visitantes repartidos en 88 grupos, o primeiro trimestre de 2020 encabeza a lista do mellor trimestre en canto a número de participantes se refire.

Cunha media de 62 persoas por día lectivo e unha duración de 3-4 horas por visita, a procedencia dos grupos nestes primeiros meses do ano repártese da seguinte maneira:

  • A Coruña: 58%
  • Lugo: 36%
  • Pontevedra: 1,5%
  • Outros puntos de España: 4,5%

O 79% dos grupos xa coñecía a nosa actividade debido a visitas anteriores, mentres que o 19% foi recomendado por comentarios de outros. O 2% restante interesouse pola nosa actividade gracias á nosa páxina web.

Seguindo a liña dos últimos anos, a maior parte dos nosos grupos son técnicos, seguido polos centros de secundaria coa seguinte porcentaxe:

  • Grupos Técnicos/BAC: 42%
  • Centros Secundaria: 35%
  • Centros Primaria: 12%
  • Asociaciones/Particulares: 10%
  • Visitas Institucionais:1%

Navegación de entradas

1 2 3 4 5