A Vivenda Bioclimática Demostrativa foi galardoada co Premio Solar Europeo 2011 na categoría de Educación e Formación.
O Premio Solar Europeo 2011, que ten como finalidade suscitar e fortalecer o interese público polas enerxías renovables, foi presentado en Berlín por EUROSOLAR en colaboración con KfW Bankengruppe. O Dr. Axel Nawrath, membro da directiva de KfW e o Prof. Peter Droege, presidente de EUROSOLAR, déronlle a benvida aos asistentes, xunto con Jo Leinen, membro do Parlamento Europeo, que tamén felicitou aos premiados.
Creado en 1994, o premio Eurosolar foi entregado este ano a un total de 12 proxectos e iniciativas exemplares no campo da utilización de enerxías renovables. Deste xeito, na gala de entrega de premios recoñeceuse o logro, a creatividade e a innovación de proxectos procedentes de Alemaña, Bulgaria, Italia, Austria, España, Dinamarca, Turquía e Suíza. Ademais de Sotavento, resultaron galardoados:
Distrito Rhein-Hunsrück (Alemaña)
Cidade de Svoge (Bulgaria)
Younicos AG (Alemaña)
Heizplan AG (Suíza)
Danish Small Wind Turbine Association (Dinamarca)
Architetture Sostenibili (Italia)
“Green Nature”, CNN Türk (Turquía)
Fundación Sotavento Galicia (España)
Phaesum GmbH (Alemaña)
Dipl.-HLFL-Ing. Josef Meisl (Austria)
Petra Jebens-Zirkel (España)
Consulado Suízo (Suíza)
