A “Fundación Ciudad de la Energía” (CIUDEN) foi creada polo Goberno de España como fundación pública estatal co obxectivo de “potenciar o desenvolvemento económico e social da comarca do Bierzo”, mediante a execución de actividades relacionadas coa enerxía e o medio ambiente.
Do mesmo xeito que a Fundación Sotavento Galicia, os programas da Fundación ponferradina pretenden buscar solucións aos problemas enerxéticos e ambientais do mundo actual. Por este mesmo motivo, e interesados no Plan Divulgativo de Sotavento, membros da área didáctica de CIUDEN visitaron o noso Parque. As participantes coñeceron o funcionamento da nosa área educativa–divulgativa e á súa vez puideron visitar as nosas instalacións.
